2016 جىلعى 31 ناۋرىز, استانا قالاسى
2015 - 2016 وقۋ جىلىن اياقتاۋ جانە ورتا ءبىلىم بەرۋ ۇيىمدارىنىڭ بىلىم الۋشىلارىن قورىتىندى اتتەستاتتاۋدان وتكىزۋ تۋرالى
«ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 14) تارماقشاسىنا سايكەس, سونداي-اق 2015 - 2016 وقۋ جىلىن ۇيىمداسقان تۇردە اياقتاۋ, مەنشىك نىسانىنا جانە ۆەدومستۆولىق باعىنىستىلىعىنا قاراماستان, جالپى ءبىلىم بەرەتىن وقۋ ورىندارىنىڭ ءبىلىم الۋشىلارىن ارالىق جانە قورىتىندى اتتەستاتتاۋدان وتكىزۋ ماقساتىندا بۇيىرامىن:
1. وقۋ جىلىن اياقتاۋدىڭ جانە ءبىلىم الۋشىلاردى ارالىق جانە قورىتىندى اتتەستاتتاۋدان وتكىزۋدىڭ مىناداي مەرزىمدەرى بەلگىلەنسىن:
1) جالپى ءبىلىم بەرەتىن كۇندىزگى جانە كەشكى (كەزەكتى) وقۋ ورىندارىنىڭ بارلىق تۇرلەرىندەگى مەكتەپالدى, 1-11 (12) سىنىپتاردا وقۋ ساباقتارىنىڭ اياقتالۋى - 2016 جىلعى 25 مامىر;
2) 5-8 (9), 10 (11) سىنىپتارداعى ءبىلىم الۋشىلاردى ارالىق اتتەستاتتاۋدان وتكىزۋ - 2016 جىلعى 31 مامىرعا دەيىن;
3) نەگىزگى ورتا ءبىلىم بەرۋدىڭ جالپى ءبىلىم بەرۋ وقۋ باعدارلاماسىن مەڭگەرگەن 9 (10) سىنىپتىڭ ءبىلىم الۋشىلارىن قورىتىندى اتتەستاتتاۋ – 2016 جىلعى 30 مامىر - 15 ماۋسىم ارالىعى, جالپى ورتا ءبىلىم بەرۋدىڭ ءبىلىم بەرۋ وقۋ باعدارلاماسىن مەڭگەرگەن 11 (12) سىنىپتىڭ ءبىلىم الۋشىلارىن قورىتىندى اتتەستاتتاۋ – 2016 جىلعى 1 - 20 ماۋسىم ارالىعى;
4) نەگىزگى ورتا ءبىلىم بەرۋدىڭ جالپى ءبىلىم بەرەتىن وقۋ باعدارلاماسىن مەڭگەرگەن 9 (10) سىنىپتىڭ ءبىلىم الۋشىلارى - ءۇش مىندەتتى ەمتيحان جانە تاڭداۋ بويىنشا 1-2 پاننەن اۋىزشا ەمتيحان.
مىندەتتى ەمتيحانداردىڭ تىزبەسى, نىسانى جانە وتكىزۋ مەرزىمدەرى:
انا ءتىلى مەن ادەبيەتىنەن (وقىتۋ ءتىلى بويىنشا) جازباشا ەمتيحان – 2016 جىلعى 30 مامىردا (گۋمانيتارلىق پاندەردى تەرەڭدەتە وقىتاتىن مەكتەپتەردىڭ جانە گيمنازيالاردىڭ ءبىلىم الۋشىلارى ءۇشىن - شىعارما, قالعاندارى ءۇشىن - ديكتانت);
الگەبرادان جازباشا ەمتيحان - 2016 جىلعى 3 ماۋسىمدا;
ورىس, وزبەك, ۇيعىر جانە تاجىك تىلدەرىندە وقىتاتىن مەكتەپتەردەگى قازاق تىلىنەن اۋىزشا ەمتيحان - 2016 جىلعى 8 ماۋسىمدا;
قازاق تىلىندە وقىتاتىن مەكتەپتەردەگى ورىس تىلىنەن اۋىزشا ەمتيحان - 2016 جىلعى 8 ماۋسىمدا;
5) جالپى ورتا ءبىلىم بەرۋدىڭ ءبىلىم بەرۋ وقۋ باعدارلاماسىن مەڭگەرگەن 11(12) سىنىپتىڭ ءبىلىم الۋشىلارىن قورىتىندى اتتەستاتتاۋ - ۇلتتىق بىرىڭعاي تەستىلەۋ (بۇدان ءارى - ۇبت) نەمەسە مەملەكەتتىك ءبىتىرۋ ەمتيحاندارى نىسانىندا.
اعىمداعى وقۋ جىلىندا قازاقستان رەسپۋبليكاسىنىڭ جوعارى ءبىلىم بەرۋ ۇيىمدارىنا وقۋعا تۇسكىسى كەلەتىن ءبىلىم الۋشىلار قورىتىندى اتتەستاتتاۋدان ۇبت نىسانىندا 2016 جىلعى 1-15 ماۋسىم ارالىعىندا وتەدى.
وزبەك, ۇيعىر جانە تاجىك تىلدەرىندە وقىتاتىن جالپى ءبىلىم بەرەتىن مەكتەپتەردىڭ 11-سىنىپ ءبىلىم الۋشىلارى («التىن بەلگى» اتتەستاتى مەن ۇزدىك اتتەستات الۋعا ۇمىتكەر ءبىلىم الۋشىلاردى قوسپاعاندا) ءوز قالاۋلارى بويىنشا قازاق نەمەسە ورىس تىلىندە ۇبت تاپسىرۋعا قاتىسا الادى.
وقۋ بىتىرگەن جىلى قازاقستان رەسپۋبليكاسىنىڭ جوعارى ءبىلىم بەرۋ ۇيىمدارىنا ءتۇسۋدى جانە ۇبت-عا قاتىسۋدى قالامايتىن ورتا ءبىلىم بەرۋ ۇيىمدارىنىڭ 11 (12) سىنىپ ءبىلىم الۋشىلارى مەملەكەتتىك ءبىتىرۋ ەمتيحاندارىن: ءتورت مىندەتتى جانە تاڭداۋ بويىنشا 1-2 پاننەن اۋىزشا ەمتيحاندار تاپسىرادى.
مىندەتتى ەمتيحانداردىڭ تىزبەسى, نىسانى جانە وتكىزۋ مەرزىمدەرى:
ورىس, وزبەك, ۇيعىر جانە تاجىك تىلدەرىندە وقىتاتىن مەكتەپتەردەگى قازاق تىلىنەن اۋىزشا ەمتيحان - 2016 جىلعى 1 ماۋسىم;
قازاق تىلىندە وقىتاتىن مەكتەپتەردەگى ورىس تىلىنەن اۋىزشا ەمتيحان - 2016 جىلعى 1 ماۋسىمدا;
انا ءتىلى مەن ادەبيەتىنەن (مەكتەپتەگى وقىتۋ ءتىلى) شىعارما تۇرىندە جازباشا ەمتيحان (كەشكى جالپى ءبىلىم بەرەتىن مەكتەپتەر ءۇشىن - ديكتانت) - 2016 جىلعى 6 ماۋسىمدا;
الگەبرا جانە اناليز باستامالارىنان جازباشا ەمتيحان – 2016 جىلعى 8 ماۋسىمدا;
قازاقستان تاريحىنان اۋىزشا ەمتيحان - 2016 جىلعى 11 ماۋسىمدا.
2. وبلىستاردىڭ, الماتى جانە استانا قالالارىنىڭ ءبىلىم باسقارمالارى, رەسپۋبليكالىق مامانداندىرىلعان جالپى ءبىلىم بەرۋ ۇيىمدارى 2015 - 2016 وقۋ جىلىن وسى بۇيرىقتىڭ تالاپتارىنا, «ءبىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى مەملەكەتتىك اتتەستاتتاۋ جۇرگىزۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 18 ناۋرىزداعى № 125 بۇيرىعىمەن بەكىتىلگەن, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5191 بولىپ تىركەلگەن باستاۋىش, نەگىزگى ورتا, جالپى ورتا ءبىلىمنىڭ ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنداعى ءبىلىم الۋشىلاردىڭ ۇلگەرىمىنە اعىمدىق باقىلاۋدىڭ, ولاردى ارالىق جانە قورىتىندى اتتەستاتتاۋ جۇرگىزۋدىڭ ۇلگى ەرەجەسىنە سايكەس اياقتاۋدى قامتاماسىز ەتسىن.
3. الماتى, جامبىل, وڭتۇستىك قازاقستان وبلىستارىنىڭ جانە الماتى قالاسىنىڭ ءبىلىم باسقارمالارى وزبەك, ۇيعىر جانە تاجىك تىلدەرىندە وقىتاتىن مەكتەپتەر ءۇشىن جازباشا ءبىتىرۋ ەمتيحاندارىن وتكىزۋگە ارنالعان ەمتيحان ماتەريالدارىن 2016 جىلعى 25 مامىرعا دەيىن دايىنداسىن.
4. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا):
1) رەسپۋبليكالىق مامانداندىرىلعان جالپى ءبىلىم بەرۋ ۇيىمدارىنىڭ 9 (10) جانە 11(12) سىنىپتارىنىڭ ءبىلىم الۋشىلارى ءۇشىن قازاق ءتىلى مەن ادەبيەتىنەن, ورىس ءتىلى مەن ادەبيەتىنەن, الگەبرادان, الگەبرا جانە اناليز باستامالارىنان ەمتيحان تاپسىرمالارىنىڭ پاكەتتەرىن 2016 جىلعى 25 مامىرعا دەيىن دايىنداسىن;
2) قازاق ءتىلى مەن ادەبيەتىنەن شىعارما تاقىرىپتارىن موڭعوليانىڭ, وزبەكستان رەسپۋبليكاسىنىڭ جانە رەسەي فەدەراتسياسىنىڭ ءبىلىم مينيسترلىكتەرىنە 2016 جىلعى 15 ساۋىرگە دەيىن جەتكىزسىن;
3) شىعارما تاقىرىپتارىن جاريالاۋ ءۇشىن 2016 جىلعى 30 ناۋرىزعا دەيىن «قازاقستان مۇعالىمى» جانە «ۋچيتەل كازاحستانا» گازەتتەرىنىڭ رەداكتسيالارىنا ۇسىنسىن;
4) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە
مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا رەسمي جاريالاۋ ءۇشىن ەلەكتروندىق تاسىمالداعىشتا ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ جولداۋدى;
6) تىركەلگەن وسى بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ مورىمەن راستالعان جانە وسى بۇيرىققا قول قويۋعا ۋاكىلەتتى ادامنىڭ ەلەكتروندىق تسيفرلىق قولتاڭباسىمەن كۋالاندىرىلعان باسپا جانە ەلەكتروندىق تۇردەگى كوشىرمەلەرىن قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن جولداۋدى;
7) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى;
8) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى تارماقتىڭ 5), 6) جانە 7) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
5. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن.
6. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ءبىلىم جانە عىلىم ءمينيسترى ە. ساعاديەۆ
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 29 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13650 بولىپ ەنگىزىلدى.